59.

Book of His ﷺ Reports About the Virtues of the Companions, Men and Women, Mentioning Their Names

٥٩-

كِتَابُ إِخْبَارِهِ ﷺ عَنْ مَنَاقِبِ الصَّحَابَةِ، رِجَالِهُمْ وَنِسَائِهِمْ بِذِكْرِ أَسْمَائِهِمْ رَضْوَانُ اللَّهِ عَلَيْهِمْ أَجْمَعِينَ

وثیلہ بن الاسقع رضی اللہ عنہ کہتے ہیں کہ میں نے علی رضی اللہ عنہ کے گھر جاکر ان کی عیادت کی اور مجھ سے کہا گیا کہ وہ اللہ کے رسول صلی اللہ علیہ وسلم کو لانے گئے ہیں پھر وہ واپس آئے اور اللہ کے رسول صلی اللہ علیہ وسلم اندر داخل ہوئے اور میں بھی اندر داخل ہوا اور اللہ کے رسول صلی اللہ علیہ وسلم چارپائی پر بیٹھ گئے اور فاطمہ رضی اللہ عنہا آپ صلی اللہ علیہ وسلم کے دائیں جانب بیٹھ گئیں اور علی رضی اللہ عنہ آپ صلی اللہ علیہ وسلم کے بائیں جانب اور حسن اور حسین رضی اللہ عنہما آپ صلی اللہ علیہ وسلم کے آگے بیٹھے ہوئے تھے تو آپ صلی اللہ علیہ وسلم نے فرمایا «إِنَّمَا یُرِیدُ اللَّہُ لِیُذْہِبَ عَنْکُمُ الرِّجْسَ أَہْلَ الْبَیْتِ وَیُطَہِّرَکُمْ تَطْہِیرًا» ’’اللہ تو یہی چاہتا ہے کہ اے اہل بیت! تم سے گناہوں کی گندگی کو دور کر دے اور تمہیں خوب پاکیزہ کر دے‘‘ اللہ کی قسم! یہ میرے اہل بیت ہیں۔ وثیلہ رضی اللہ عنہ کہتے ہیں کہ میں نے گھر کے ایک جانب سے کہا کہ اللہ کے رسول صلی اللہ علیہ وسلم ! کیا میں بھی آپ کے اہل بیت سے ہوں؟ آپ صلی اللہ علیہ وسلم نے فرمایا: تم بھی میرے اہل بیت میں سے ہو۔ وثیلہ رضی اللہ عنہ کہتے ہیں کہ یہ ان چیزوں میں سے ہے جن کی مجھے سب سے زیادہ امید تھی۔