91.

Interpretation of Dreams

٩١-

كتاب التعبير

Hum se Ahmad bin Muqadam al-‘Ajli ne bayan kiya ‘ kaha hum se Muhammad bin ‘Abdul Rahman al-Tifaawi ne bayan kiya ‘ un se Ayyub ne bayan kiya ‘ un se Muhammad ne aur un se Abu Hurayrah Radiyallahu ‘anhu ne bayan kiya ke Nabi Kareem Sallallahu ‘alaihi wa sallam ne farmaya “Mujhe «Mifatih al-Kalam» diye gaye hain aur ra’b ke zari’e meri madad ki gai hai aur guzarti raat mein soya huwa tha ke zameen ke khazanon ki kunjiyan mere pass laien gain aur mere samne unhen rakh diya gaya.” Abu Hurayrah Radiyallahu ‘anhu ne kaha ke Nabi Kareem Sallallahu ‘alaihi wa sallam to is duniya se tashreef le gaye aur tum in khazanon ki kunjiyon ko alt-palat kar rahe ho ya nikaal rahe ho ya loot rahe ho.

hum se 'abd-al-laah bin muslima ne bayan kiya, kaha hum se imaam maalik ne, un se naafe' ne aur un se 'abd-al-laah bin 'umar radiy-allahu 'anhuma ne kaha rasul-al-laah salla-llaahu 'alayhi wa sallam ne farmaya "raat mujhe ka'aba ke paas ( khwaab mein ) dikhaya gaya. main ne aik gandummi rang ke aadmi ko dekha woh gandummi rang ke kisi sab se khoobsurat aadmi ki tarah the, un ke lambe khoobsurat baal the un sab se khoobsurat baalon ki tarah jo tum dekh sako ge. un mein unhon ne kangha kiya hua tha aur pani un se tapk raha tha aur woh do aadmiyon ke sahare ya ( yeh farmaya ke ) do aadmiyon ke shanon ke sahare bait-al-laah ka tawaf kar rahe the. main ne poochha ke yeh kaun saabib hain. mujhe bataya gaya ke yeh masiha ibn mariyam 'alayhima al-salam hain. phir achanak main ne aik ghinghriale baal waale aadmi ko dekha jis ki aik aankh kaani thi aur angoor ke dane ki tarah athi hui thi, main ne poochha yeh kaun hai? mujhe bataya gaya ke yeh masiha dajjal hai."

Hum se Yahya ne bayan kiya, unhon ne kaha hum se Lais bin Saad ne bayan kiya, un se Younus ne bayan kiya, un se Ibn Shahab ne bayan kiya, un se Ubaidullah bin Abdullah ne kaha Abdullah bin Abbas Radi Allahu Anhuma ne bayan kiya ki ek sahib Rasul Allah SallAllahu Alaihi Wasallam ki khidmat mein aaye aur kaha ki maine raat ko khwab dekha hai aur unhon ne waqea bayan kiya aur is riwayat ki mutabiyat Sulaiman bin Kasir, Zuhri ke bhateeje aur Safyan bin Husain ne Zuhri se ki, un se Ubaidullah ne bayan kiya aur un se Abdullah bin Abbas Radi Allahu Anhuma ne bayan kiya unhon ne Nabi Kareem SallAllahu Alaihi Wasallam se riwayat ki, aur Zubaidi ne Zuhri se bayan kiya, un se Ubaidullah ne aur un se Ibn Abbas aur Abu Hurairah Radi Allahu Anhuma ne Nabi Kareem SallAllahu Alaihi Wasallam se aur Shuaib aur Ishaq bin Yahya ne Zuhri se bayan kiya ki Abu Hurairah Radi Allahu Anhu Nabi Kareem SallAllahu Alaihi Wasallam se bayan karte thay, aur Muammar ne ise muttasilan nahin bayan kiya lekin baad mein muttasilan bayan karne lage thay.