86.

Limits and Punishments set by Allah (Hudood)

٨٦-

كتاب الحدود

hum se `abdullaah bin yusuf ne bayan kiya, unhon ne kaha hum se laith bin saad ne bayan kiya, un se yazeed bin abi habeeb ne bayan kiya, un se bakeer bin `abdullaah ne bayan kiya, un se sulaymaan bin yisar ne bayan kiya, un se `abd-ur-rahmaan bin jaabir bin `abdullaah ne bayan kiya aur un se abu hurayrah radiyallahu `anhu ne bayan kiya ke nabi kareem salallahu `alayhi wa sallam ne farmaaya “hudood-ul-llah mein kisi muqarrar had ke siwa kisi aur saza mein das kooray se zyada batour ta`zeer o saza nah maare jaayen.”

hum se 'amro bin 'ali ne bayan kiya, unhon ne kaha hum se fazil bin sulaiman ne bayan kiya, unhon ne kaha hum se muslim bin abi maryam ne bayan kiya, kaha mujh se 'abdul rahman bin jabir ne un sahabi se bayan kiya jinhon ne nabi kareem salallahu alaihi wasallam se suna tha ke aap salallahu alaihi wasallam ne farmaya "allah ta'ala ki hudood mein se kisi had ke sava mujrim ko das kodhe se ziyada ki saza na di jaye.

Hum se Yahya bin Sulaiman ne bayan kiya, unhon ne kaha mujh se Ibn Wahab ne bayan kiya, unhon ne kaha mujh ko Amr ne khabar di, un se Bakir ne bayan kiya ke main Sulaiman bin Yasar ke pass baitha hua tha ke Abdur Rahman bin Jabir aaye aur Sulaiman bin Yasar se bayan kiya phir Sulaiman bin Yasar hamari taraf mutawajjah huye aur unhon ne kaha ke mujh se Abdur Rahman bin Jabir ne bayan kiya hai ke un se un ke walid ne bayan kiya aur unhon ne Abu Burda Ansari Radi Allahu Anhu se suna. Unhon ne bayan kiya ke maine Nabi Karim Sallallahu Alaihi Wasallam se suna, Nabi Karim Sallallahu Alaihi Wasallam ne farmaya ke hudood Allah mein se kisi had ke siwa kisi saza mein das koore se zyada ki saza na do.

hum se yahiya bin bakir ne bayan kiya, kaha hum se lais bin saad ne bayan kiya, in se aqil ne, in se ibn e shahab ne, in se abu salama ne bayan kiya aur in se abu hurayra (رضي الله تعالى عنه) ne kaha ki rasool allah salla allahu alaihi wa sallam ne wisal (masil aftaar ke baghair kayi din ke roze rakhne) se mana farmaya to baaz sahaba ne arz kiya: ya rasool allah! aap khud to wisal karte hain. nabi karem salla allahu alaihi wa sallam ne farmaya ki tum mein se kaun mujh jaisa hai? mera to hal yeh hai ki mujhe mera rab khilata hai aur pilata hai lakin wisal karne se sahaba nahin ruke to nabi karem salla allahu alaihi wa sallam ne un ke sath ek din ke bad dusre din ka wisal kiya phir us ke bad logoon ne chaand dekh liya. nabi karem salla allahu alaihi wa sallam ne farmaya ki agar (eid ka) chaand nahin dikhaai deta to main aur wisal karta. yeh aap ne tanbihan farmaya tha kyunki woh wisal karne par musar the. is riwayat ki mutaabat shuaib, yahiya bin saeed aur yunas ne zahri se ki hai aur abdul rahman bin khaled fahimi ne bayan kiya, in se ibn e shahab ne, in se saeed bin musib ne aur in se abu hurayra (رضي الله تعالى عنه) ne nabi karem salla allahu alaihi wa sallam se bayan kiya.

Mujh se Ayaash bin Al-Waleed ne bayan kya, kaha hum se Abd-ul-A'la ne bayan kya, kaha hum se Ma'mar ne bayan kya, un se Zuhri ne, un se Salim ne, un se Abdullah bin Umar Radi Allahu anhuma ne kaha Rasool Allah ﷺ ke zamane mein iss par maar parti ke jab ghale ke dher yunhi khareeden, bin nape aur tole iss ko isi jagah doosre ke hath bech dalen haan woh ghala utha kar apne thikane le jaen phir bechen to kuchh saza na hoti.

Hum se 'Abdaan ne bayan kiya, unhon ne kaha hum ko 'Abdullaah bin Mubarak ne khabar di, unhon ne kaha hum ko Younus ne khabar di, unhen Zahri ne, unhen 'Urooh ne khabar di aur un se 'Aaishah radiyallahu 'anhu ne bayan kiya ke Rasoolal-laah sal-lal-laahu 'alaihi wa sallam ne apne zati ma'amla mein kabhi kisi se badla nahin liya han jab Allah ki qa'im ki hui had ko tora jata to aap phir badla lete the.